قسم هندسه الفلزات والمناجم والبترول

الباشمهندس عمرو في الخميس أغسطس 06, 2009 2:03 am

نشرة موجزة عن القسم

بصوا يا شباب من الاخر كده قسمنا ده فيه كل حاجة(حلوة او وحشة) يعنى هتلاقى فيه حاجات تعجبك اوى وحاجات تغيظك اوى

مش فاهمين طبعا صح؟

اقولكو : يعنى هتلاقى مواد لذيذة وسهلة وهتلاقى مواد تشيبك بدرى ونفس الكلام بالنسبة للدكاترة

وطبعا من اهم سمات القسم ده اللى ممكن يعتبر عيب او ميزة حسب كل وجهة نظر انه سنة اولى فيه بتبقى حرب طبعا زى منتو عارفين عشان الناس كلها بتحاول تخش بترول

وملحوظة مهمة جدا جدا لازم تعرفوها ان الاعداد بتتقسم عالشعب الثلاثة كالاتى:

أعلى 50 فى المية من الناجحين فى سنة اولى يخشوا بترول (طبعا اذا لم يكن رغبة الطالب فى شعبة اخرى يعنى)

بعد كده ال50 فى المية الناجحين الاخرين بيتقسمو على شعبتى مناجم وفلزات ودى ملهاش قاعدة فى الارقام

المواد الاساسية فى القسم:

طبعا هنا هنركز عالمواد بتاعت سنة اولى لان طبعا زى منتو عارفين ان بعد التخصص فى سنة تانية كل شعبة بتتجه ناحية مواد معينة وبرضه هنناقشها مع بعض باذن الله

مواد سنة اولى تعدين:

كيمياء عضوية وغير عضوية

فيزيقا

رياضيات

ميكانيكا

نظرية الانشاءات

مقدمة هندسة المناجم والبترول والفلزات

مبادىء الادارة

جيولوجيا عامة ومعادن

علم المواد - ماتيريال

طبعا المواد دى فى منها ترمين وفى مواد ترم واحد طبعا

وهنتكلم عن اى حاجة فى المواد سواء سنة اولى او بعد كده باذن الله

أشهر الاساتذة فى القسم:

بصو بقى طبعا اكيد هنا مش هقولكو اسامى الاساتذة اللى بتدى مواد من برا القسم لان اغلب مواد اولى من برا القسم او مشتركة فى كل الاقسام ولكن هندى نبذة عن اشهر والمع الدكاترة فى التخصصات الثلاثة

اولا هندسة المناجم

: ا/د/محمد على الوجيه ده من الاخر الراس الكبيرة الواصلة فى مناجم

ا/د/صلاح الدين المفتى نفس الكلام

ثانيا هندسة البترول : ا/د/ عبد الستار دهب

ثالثا هندسة الفلزات : ا/د/احمد الشيخ

مميزات القسم

من الاخر لو عرفت توصل فيه هتبقى حاجة جمدة جدا جدا ومستقبله كويس جدا باذن الله بس انت وظروفك طبعا

عيوب القسم

بعض الاساتذة طبعا مش هيعجبوكو كعادة اى قسم وفى نفس الوقت عملية الحرب اللى فى سنة اولى دى هتصعب العملية حبتين

الوظائف التى من الممكن الالتحاق بها باذن الله

بالطبع : مهندسى مناجم او مهندسى بترول او مهندسى فلزات